Galicia acadou, xunto coa rexión de Porto (Portugal), unha das iniciativas de irmandade da European Innovation Partnership on Active and Healthy Ageing EIP on AHA (coñecida como “Twinnings”), que financia a Comisión Europea, e que serven para levar a cabo actividades de intercambio de coñecemento.
A actividade basease no intercambio de coñecemento no eido dos living labs en saúde. Así, os irmáns de Portugal coñeceron o funcionamento do living lab de saúde do Hospital Universitario de Ourense do Servizo Galego de Saúde, e os profesionais do Hospital de Ourense e da ACIS coñeceron o Centro de Investigação, Diagnóstico, Formação e Acompanhamento das Demências (CIDIFAD).
Grazas á iniciativa Twinnings o grupo de traballo formado por Galicia e Porto levaron a cabo accións conxuntas, reunións e transferencia de coñecemento en torno aos living labs de saúde.
Rexións participantes:
- Galicia: Área Sanitaria de Ourense, Verín e O Barco de Valdeorras do Servizo Galego de Saúde & Axencia Galega de Coñecemento en Saúde (ACIS)
- Porto (Portugal): Centro de Investigação, Diagnóstico, Formação e Acompanhamento das Demências (CIDIFAD)
Orzamento: 5.000 euros