Desenvolvemento dun sistema que garanta a conservación da información clínica baixo criterios de seguridade e eficiencia, cos seguintes obxectivos:
- Optimización do ciclo de vida da información para mellorar o seu rendemento e diminuír o custo e o espazo de almacenamento.
- Mellora dos sistemas de copias de seguridade para reducir o custo de almacenamento e os tempos de copia e recuperación.
- Automatización de servizos e garantía de continuidade da información, replicándoa xeograficamente para evitar perdas.
- Deseño de solucións que garantan a non alteración da información.
As probas piloto foron realizadas nas Estruturas Organizativas de Xestión Integrada (EOXI) de Santiago e Ourense-Verín-O Barco de Valdeorras.