Desenvolvemento dunha contorna de traballo dotada de software e simuladores robóticos de paciente altamente sofisticados, que permitan o adestramento dos profesionais sanitarios.
O obxectivo é a adquisición de novas habilidades e competencias e a realización de prácticas con pacientes non reais antes da súa aplicación no escenario asistencial real, minimizando así o risco de cometer erros. O sistema permite centralizar a programación das actividades formativas e os seus resultados.
As probas piloto foron realizadas nas Estruturas Organizativas de Xestión Integrada (EOXI) de Vigo e Lugo-Monforte-Cervo.