Desenvolvemento de servizos que achegan ao fogar do paciente todos os servizos que é posible ofertar a distancia grazas ás novas tecnoloxías.
O obxectivo das ferramentas deseñadas é mellorar a calidade asistencial á vez que se facilita a experiencia ao paciente levando directamente ao seu fogar:
- Actividades asistenciais nas que a presenza do paciente non proporciona valor clínico.
- Tarefas administrativas e trámites burocráticos que viñan esixindo o desprazamento dos pacientes e que supoñen consumo de tempo para os profesionais.
- Apoios domiciliarios de coidados que se poden prestar de xeito non presencial.
- Información que se pode resolver sen contactar co seu médico ou enfermeira.
As probas piloto foron realizadas nas Estruturas Organizativas de Xestión Integrada (EOXI) de A Coruña e Lugo-Monforte-Cervo.