Desenvolvemento das ferramentas necesarias para a asistencia domiciliaria axeitada ás necesidades do paciente e co máximo grao de calidade.
Os aspectos que se priorizaron son:
Historia clínica electrónica a domicilio.
Cobertura a pacientes institucionalizados.
Sistemas de comunicación co domicilio do paciente e rexistro de constantes vitais.
O resultado é unha plataforma informática que permite o seguimento en tempo real do paciente dende a súa casa e a indicación de instrucións (por exemplo, a modificación de doses de fármacos prescritos) por parte dos profesionais do Sergas. O paciente ten acceso a ela a través dun interface intuitivo e totalmente personalizado que evita visitas recorrentes ao hospital para cuestións de rutina.
As probas piloto foron realizadas nas Estruturas Organizativas de Xestión Integrada (EOXI) de Ourense-Verín-O Barco de Valdeorras y A Coruña.