Os nódulos pulmonares detectados de localización periférica non poden ser abordados mediante broncoscopia convencional, sendo necesario realizar unha biopsia percutánea transtorácica guiada por TC. Esta técnica ten un alto rendemento diagnóstico, pero asóciase coa aparición de neumotórax. Os estudos revisados neste informe suxiren que os sistemas de broncoscopia robótica presentan un rendemento diagnóstico entre 72% e 96%, cunha taxa de neumotórax menor do 4%. Con todo, estes estudos son de baixa calidade e principalmente de carácter observacional, polo que sería necesario realizar estudos adicionais, de tamaño adecuado, que midan efectividade comparada e eficiencia relativa con respecto a outras probas actualmente dispoñibles, como a broncoscopia navegacional electromagnética ou a virtual.?​